ލަންދޫސްކޫލްގެ އިންޓަރހައުސް ފުޓްބޯޅަ މުބާރާތުގެ ދެވަނަ މެޗް “ސިއްތިމާވާ” ކާމިޔާބުކޮށްފި

ނ.ލަންދޫސްކޫލްގެ މިއަހަރުގެ އިންޓަރހައުސް ފުޓްބޯޅަ މުބާރާތުގެ ދެވަނަ މެޗް އެސްކޫލްގެ ސިއްތިމާވާ ހައުސް ކާމިޔާބުކޮށްފިއެވެ. ސިއްތިމާވާ މިމެޗް ކާމިޔާބު ކޮށްފައިވަނީ ދޮށިމޭނާ ހައުސްއާއި ބައްދަލުކޮށް 3 – 1 ންނެވެ.

މިއީ މި މުބާރާތުގެ 2 ވަނަމެޗެވެ. މިމެޗުން ސިއްތިމާވާ މޮޅުވުމުން އެޓީމަށް 2 މެޗް ކުޅެގެން 4 ޕޮއިންޓް ލިބުމާއެކު އެޓީމުމިހާރުވަނީ މިމުބާރާތުގެ އެއްކޮޅުން ފައިނަލް ކަށަވަރުކޮށްފައެވެ. އަނެއްކޮޅުން ފައިނަލްގައި ވާދަކުރާނެ ޓީމެއް އެނގޭނީ މާދަމާގެ މެޗްގައި ދޮށިމޭނާއާއި، ރެހެންދި ބައްދަލުކުރާ މެޗަށް ފަހުގައެވެ. މާދަމާގެ މެޗްވެސް އޮންނާނީ ހަވީރު 4:00 ގައި ލަންދޫސްކޫލްގެ ފުޓްބޯޅަ ދަނޑުގައެވެ.

މިއަދުގެ މެޗްގެ ޝަރަފްވެރި މެހްމާނަކީ ނ.ލަންދޫކައުންސިލްގެ ރައީސް އަލްފާޟިލް ޢަބުދުﷲ ޢާރިފުއެވެ.

މިއަދުގެ މެޗް ބެލުމަށްވެސް ގިނަޢަދަދެއްގެ ބެލެނިވެރިންނާއި، ދަރިވަރުންނާއި، ޢާއްމުންވަނީ ހާޒިރުވެފައެވެ.